aaj phir...

Aaj raat phir badri mein chhipe chand ko dekha hai

Bikhri kiranon mein sote anginat taron ko dekha hai

Aaj phir sham dhal gayee dhundti hai nazar

yaadon mein jiska dhundla sa chehra dekha hai

jura hai kuchh is tarah mera taluk jis se

ek baar dekha to phir aur kisi ko na dekha hai

ik muddat se jazbaat ko dhake hue

khud se khud ki baat chhipate hue dekha hai

silwaton ne aksar mere chehre par

zindagi ka baar baar mujhe aazmana dekha hai

likhungi...

aaj main jo dil mein hai zaroor likhungi

behisaab usme tera har qasoor likhungi

subah se sham tak tera mujhe bulana

karta hai kitna ye majboor likhungi

judai ka ye sila upar se tera reh reh ke muskurana

mere dil se yun khelne ka dastoor likhungi

mere haal-e-dil se bekhabar rehna tera

ye jurm-e-ulfat hai na-manzoor likhungi

wo fasana jo kabhi maine sunaya hi nahin

wahi lafzon mein dastaan-e-taseer likhungi